When Can I, or Should I, ask for an FBA for my Child?

Goorma ayaan, ama ay tahay inaan, codsado FBA lagu sameeyo Cunugayga?

Iskuday inaad xog ka ogaato FBA haddii habdhaqanka cunugaagu u muuqdo inuu carqalad ku yahay waxbarashada gaarka ah ee cunugaaga, ama waxbarashada ilmaha kale, iyo

• Haddii aysan cadeyn sababta keenaysa habdhaqanka; iyo
• Macalinka ayaa iskudayay caawimaado badan si uu u xaliyo habdhaqanka laakiin kuma uusan guulaysan.

Qaar kamid ah tusaaleyaasha aasaasiga ah ee marka aad raadin karto xogta FBA:

• Habdhaqanka cunugaaga ayaa loo aqoonsaday inay carqalad ku tahay inuu waqti badan ku qaato fasalka waxbarashada guud.
• Cunugaaga ayaa laga saaray fasalka marar badan ama muddooyin dheer sabab la xiriirta inuu samaynaayo habdhaqanka fawdo ah ama aan fiicnayn;
• Cunugaaga ayaan ka qaybgaleyn fasalka ama diirada saarayn casharka si joogto ah (sida inuu madaxiisa hoos u foorarinaayo, inuu seexanaayo, ama diidaayo inuu casharka ka shaqeeyo).

Codso in lagu Siiyo Xog Aasaasi ah

Haddii aadan wali garanayn inta jeer ee habdhaqanku imaanaayo, ama inta jeer ee ardayda laga saaraayo fasalka, talaabada koobaad ayaa noqon karta inaad waydiisato macalinka iyo/ama maamulaha inuu bilaabo la socoshada habdhaqanka, si kale haddaan u dhaho inuu bilaabo inuu xog ka uruursho, inta jeer ee habdhaqanku dhacaayo.