Auala e Fo'ia ai Fa'afitauli i A'oga Fa'apitoa

Auala e Fo'ia ai Fa'afitauli i A'oga Fa'apitoa

Fa'afouina ia Iuni, 2024

O le a le mea e fai e fo'ia ai se fa'afitauli ma le a'oga fa'aitumalō?

Feiloa'i ma le itumalō, talosaga se fa'aleleiga, fa'aulu se fa'aseā, pe fai se tolaulauga i luma o le tulafono.

I lou lagolagoina ai o sau tamaiti a'oga e iai ma'i tumau, e ono e iloa ane e te le'o fiafia i le a'oga fa'aitumalō. Afai e talafeagai, o se mea lelei le taumafai e fo'ia fa'afitauli e ala i le talanoa ma sui o le vaega o le Individualized Education Program (IEP, Polokalame mo A’oa’oga Ta’ito’atasi) poo isi aufaigaluega a le a'oga fa'aitumalō. Afai e le'o iai se suiga i lenā auala, e tele isi metotia ua faia e le tulafono mo le fo'iaina o fa'afitauli.

O loo iai auala masani e faia ai fa'aseā, fa'aleleiga, ma tolaulauga i luma o le tulafono mo mātua ma a'oga e fo'ia ai fa'afitauli ona o a'oga fa'apitoa, e aofia ai fe'ese'esea'iga e ona:

• O se tamaitiiti a'oga e iai iloa ona o ona ma'i tumau
• O le iloiloga o se tamaitiiti a'oga
• O le kilivaina o 'au'aunaga mo a'oga fa'apitoa
• O le tuuina o se tamaitiiti i se a'oga

Fa'aseā

E lua auala aloa'ia mo le faia o fa'aseā o loo iai pe afai e iai se fe'ese'esea'iga e uiga i polokalame o a'oga fa'apitoa (Individuals with Disabilities Education Act (IDEA, Tulafono o A’oa’oga mo Tagata Ta’ito’atasi e iai Ma'i Tumau o le Tino) poo le 504) a se tamaitiiti a'oga.

1. Fa'aseā a le Komiuniti o A'oga Fa'apitoa Office of the Superintendent of Public Instruction i le Setete o Uosigitone.

O le a le uiga o Fa'aseā a le Komiuniti o A'oga Fa'apitoa ?

O Fa'aseā a le Komiuniti o A'oga Fa'apitoa, sa ta'ua muamua o se Fa'aseā a se Tagata nofo mau, o se auala e fo'ia ai fa'afituali i le va o tamaiti a'oga ma itumalō e se ofisa i fafo atu. O fa'aseā mai le komiuniti e tatau ona failaina i le Office of the Superintendent of Public Instruction (OSPI, Ofisa o le Fa'atonu Sili o A'oga) pe afai ua talitonu se tasi ua solia e se a'oga (e aofia ai le setete, o se a'oga fa'aitumalō, poo se a'oga a le malō poo se a'oga tuto'atasi) tulaga mana'omia a le IDEA poo aiaiga o a'oga fa'apitoa i le setete.

O ai na te failaina se Fa'aseā a le Komiuniti o A'oga Fa'apitoa ?

Soo se tagata poo se fa'alapotopotoga e mafai ona lesitalaina se fa'aseā i le Office of the Superintendent of Public Instruction.

O a mea mana'omia i le faia o le Fa'aseā a le Komiuniti o A'oga Fa'apitoa ?

O se fa'aseā e tatau ona:

• Faia i se tusi
• Sainia e le tagata e faia le fa'aseā
• Ia iai se fa'amatalaga e uiga i le solia e se a'oga tulafono o a'oga fa'apitoa i le tausaga ua mavae.
• Fa'ailoa mai fa'amatalaga moni o le solitulafono
  • Tusi mai le igoa ma le tuātusi o le tagata sa fa'auluina le fa'aseā ma
  • Tusi mai le igoa ma le tuātusi o le a'oga

Afai o le fa'aseā e ma'oti mai se tamaitiiti e fa'atatau iai, o lona uiga e tatau foi ona iai i le fa'aseā le:

• • Igoa o le tamaititi a'oga
  • Igoa o le a'oga fa'aitumalō a le tamaititi
  • O se fa'amatalaga o le fa'afitauli e aafia ai le tamaitiiti a'oga
  • Tuuina mai o se auala e fo'ia ai le fa'afitauli.

O fea e maua ai le pepa fa'atumu mo Fa'aseā a le Komiuniti?

Ua faia e le OSPI se isi pepa fa'atumu mo oe e fa'aaoga pe a fa'atumu se pepa mo Fa'aseā a le Komiuniti o A'oga Fa'apitoa e le fa’amalosia. O lenei pepa e maua i le: https://ospi.k12.wa.us/student-success/special-education/dispute-resolution/file-community-complaint

O fea e mafai ona e faia ai se suiga?

Afai e te faia se fa'asea mo le komiuniti, ia mautinoa le mata'itu ma le fa'aeteete o le fa'asologa o le taimi. Afai e le manuia taumafaiga a le OSPI poo le a'oga e fa'atinoina i totonu o le fa'asologa o le taimi, e iai lou avanoa mo se isi fa'aseā.

Ia mautinoa le iai o fa'amaumauga talafeagai mai le a'oga ma itulau fa'anumeraina o lau fa'aseā ina ia faigofie ona fa'asino iai.

O le a le mea e tupu pe a mae'a ona failaina se Fa'aseā a le Komiuniti o A'oga Fa'apitoa ?

Afai e maua e le OSPI le fa'aseā, e tatau ona lafoina se kopi o le fa'aseā i le a'oga fa'aitumalō. I le maua ai o le fa'aseā i totonu o le 20 aso fa'akalena, e tatau i le a'oga fa'aitumalō ona faia se su'esu'ega ma tali atu i le OSPI e ala i se tusi. O le a lafoina e le OSPI se kopi o le tali a le a'oga fa'aitumalō ia te oe. E iai lou avanoa e faia ai se filifiliga mo le toe tuuina mai o fa'amatalaga fa'aopoopo e uiga i le tagata sa fa'auluina le fa'aseā.

I totonu o le 60 aso fa'akalena, e tatau i le OSPI ona faia se fa'ai'uga tuto'atasi, tusitusia pe o solia e le a'oga tulafono fa'aFeterale poo tulafono o a'oga fa'apitoa a le setete. O le fa'ai'uga e tatau ona iai i'uga o fa'amatalaga moni ma laasaga talafeagai e alagatatau mo le soālaupuleina o se fa'aseā. O lenei taimi fa'atulagaina e mafai ona fa'alaua'iteleina pe afai:

1) iai o tulaga e faia fa'apitoa i le fa'aseā pe

2) ua malilie le tagata fa'aseā ma le a'oga e toe fa'aopoopo le taimi e fa'aaoga mo soālaupulega poo se isi auala mo le fo'iaina o fe'ese'esea'iga.

E tatau la i le a'oga fa'aitumalō ona usita'ia taimi fa'atulagaina i le fa'ai'uga tusitusia a le OSPI e fa'amae'a ai soo se gaoioiga mo fa'asa'oga e fautuaina. Afai e le mulimulita'ia e le a'oga fa'aitumalō, e mafai e le OSPI ona taofia le fa'atupega pe fa'atonuina nisi i'ugafono.

Afai ua filifilia ua le mafai e se a'oga fa'aitumalō ona tuuina atu 'au'aunaga talafeagai i se tamaitiiti a'oga e iai ma'i tumau, e tatau i le OSPI ona:

• Filifili pe fa'apefea ona galulue le a'oga fa'aitumalō e faia se auala e totogiina ai le lē manuia o 'au'aunaga, e aofia ai le totogiina o tupe pe faia nisi gaioiga sa'o e fa'ailoa ai mana'oga o le tamaitiiti a'oga.
• Fa'amatala 'au'aunaga saunia i le lumana'i mo tamaiti a'oga uma e iai ma'i tumau.

O fea e mafai ona ou maua ai le tele o fa'amatalaga e uiga i fa'aseā mai le komiuniti a le OSPI?

https://ospi.k12.wa.us/student-success/special-education/dispute-resolution/file-community-complaint

Fa'aseā mo Aiā Tatau a soo se Tagata i le Iunaite Setete Office of Civil Rights mo le Department of Education

O a fa'aseā mo aiā tatau a soo se tagata?

O le Vaega 504 o se tulafono e tetee atu i faiga fa'ailoga lanu e taula'i i le fa'aumatiaina o le fa'ailoga tagata e fa'avae i luga o i latou e iai ma'i tumau i polokalame uma o loo mauaina fesoasoani tau tupe mai le malō. Talu ai o a'oga a le malō ma itumalō e maua fesoasoani tau tupe mai le malō, o i latou ia e i lalo o vaega mana'omia o le Vaega 504 o le tulafono.

O le Office for Civil Rights (OCR, Ofisa o Aiā Tatau a soo se Tagata) i le Iunaite Setete mo le Department of Education (Matagaluega o A'oga) i le Iunaite Setete e fa'amalosia puipuiga o le Vaega 504 ma nafa mo su'esu'ega o fa'aseā.

O ai e failaina se fa'aseā mo aiā tatau a soo se tagata?

O soo se tasi e mafai ona failaina se fa'aseā i le Office of Civil Rights i soo se taimi e le maua ai e se tamaitiiti e iai ma'i tumau penefiti fa'alea'oa'oga mai se polokalame e mafai ona fa'atusaina i penefiti e maua e tamaiti latou te a'ooga fa'atasi. O se fa'ata'ita'iga pe afai e fa'atonuina se tamaitiiti e iai ma'i tumau e le mafai ona alu i se malaga i tua ma e tatau ona fa'atali atu i le ofisa o le pulea'oga ae malaga uma le vasega i tua. O fa'aseā a le OCR e mafai foi ona iai fa'afitauli o auala, e pei o le lē leai o se auala mo se tamaitiiti e alu i le nofoauili poo se fa'afitauli i le lē mafai e se itumalō ona saunia ni falenofo poo 'au'aunaga e tatau ona iai pe o iai i totonu o se fuafuaga 504 a se tamaitiiti a'oga.

O a mea mana'omia i le faia o le fa'aseā mo aiā tatau a soo se tagata?

O se fa'aseā mo aiā tatau a soo se tagata e tatau ona failaina i totonu o le 180 aso fa'akalena (6 masina) o le aso sa faia ai faiga fa'ailoga tagata. O se fa'aseā e tatau ona iai le:

►        Igoa, tuātusi ma le numera o le telefoni o le tagata o loo failaina se fa'aseā

►        Igoa, tuātusi ma le numera o le telefoni o le tagata poo tagata fa'ailogalanu

►        Igoa ma le tuātusi o le a'oga, itumalō, poo le tagata o loo faia iai faiga fa'ailogalanu

►        Mafua'aga o le fa'ailogalanu (ituaiga, iai ma'i tumau, tupu'aga fa'alotoifale, ma isi)

►        Taimi ma le nofoaga na tupu ai

►        Fa'amaumauga moni o faiga fa'ailogalanu ma

►        Kopi o pepa o fa'amatalaga tusitusia, fa'amaumauga, poo isi pepa o fa'amatalaga e lagolagoina ai le fa'aseā.

O fea e fa'aulu ai se Fa'aseā o Aiā Tatau a soo se Tagata i le OCR?

Mo le fa'auluina o se fa'aseā i le OCR, e mafai ona e fa'aaogaina se pepa fa'aeletoronika o loo i le: https://www2.ed.gov/about/offices/list/ocr/complaintintro.html

pe fa'atumu le pepa o loo i le: https://www2.ed.gov/about/offices/list/ocr/complaintform.pdf

Pe te filifili e fa'atumu se pepa pe tusi sa oe tusi, e mafai ona e lafoina lau fa'aseā i le imeli i le OCR.Seattle@ed.gov pe fax i le (206)607-1601. E mafai ona e lafoina lau fa'aseā i le imeli i le:

Office for Civil Rights

U.S. Department of Education

915 2nd Avenue #3310

Seattle, WA 981074-1099.

O le a le mea e tupu pe a mae'a ona failaina se fa'aseā mo aiā tatau a soo se tagata?

E iloiloina e le OCR fa'amatalaga o le fa'aseā ma filifili pe fa'amata e tatau ona fa'asolo le faia iai o se fuafuaga pe leai. E tatau ona filifili pe iai se fa'atonuga e iloilo le fa'aseā ma pe fa'amata na tuuina mai i totonu o le taimi fa'atulagaina pe leai. O se fa'aseā e tatau ona failaina i totonu o le 180 aso e sosoo ma le aso sa faia ai faiga fa'ailoga tagata.

O le a talanoa atu le OCR e saini se pepa o se maliēga o se vaega o fuafuaga fa'agasolo. O le a fa'afesoota'iina oe e le OCR i le imeli poo le telefoni pe afai e le'i mauaina lenei pepa fa'atumu i le 15 o aso sa talosagaina ai oe e saini ma fa'ailoa atu e toe 5 aso o totoe e sainia ai le pepa. E ono talosagaina foi oe e tuuina mai fa'amatalaga fa'aopoopo. Afai e mana'omia nisi fa'amatalaga, e tatau i le OCR ona tuuina atu ia te oe aso e 20 e te tapena ma aumaia ai fa'amatalaga talosagaina.

I le mae'a ai o su'esu'ega a le OCR, o le a mauaina e oe ma le itumalō se Tusi o I'uga o au'ili'iliga e fa'amatalaina ai pe fa'amata e lagolagoina e fa'amatalaga fa'amaonia sa tuuina mai le iai o se soligatulafono pe leai. Afai e maua e le OCR e le'i usita'ia e le itumalō tulafono, o le a iai fa'afesoota'iina le itumalō ina ia mata'ituina pe ioe le itumalō e faia se maliēga fa'avolenitia mo se soālaupulega. Afai e le malilie le itumalō e fo'ia le fa'afitauli, e ono faia e le OCR fuafuaga lautele e pei o le tuuina o le mata'upu i le Department of Justice (Matagaluega o Fa'amasinoga).  

Afai e te manatu ua solia e le itumalō aiaiga o aiā tatau a se tamaitiiti a'oga mo a'oa'oga talafeagai, mafaufau e fa'alu se fa'aseā.

Soālaupulega

O le a le soālaupulega?

O soālaupulega o se ituaiga o auala e fo'ia ai fa'afitauli. I lalo o le IDEA, e mana'omia le saunia e setete o 'au'aunaga mo soālaupulega i mātua/tagata o vaaia tamaiti ma a'oga fa'aitumalō mo mafua'aga o le fo'iaina o fa'afitauli e uiga i polokalame o a'oa'oga fa'apitoa a se tamaitiiti a'oga.

O le fa'atinoga o le soālaupulega e aumaia fa'atasi le a'oga ma mātua poo tagata e vaaia tamaiti fa'apea ma se isi tagata tuto'atasi e to'atolu ai—o le soālaupule. O le soālaupule e feiloa'i ma itu uma e lua e taumafai ina ia malilie fa'atasi i mana'oga tau a'oga o se tamaitiiti. O le galuega e fa'avolenitia, o le mea lea o mātua poo tagata e vaaia tamaiti ma le a'oga fa'aitumalō e tatau ona malilie e omai fa'atasi e auai. O soālaupulega e mafai ona avea ma se auala sili ona lelei e fa'aleleia 'au'aunaga mo se tamaitiiti a'oga, fo'ia fa'afitauli, ma toe fonofono sootaga i le va o le a'oga ma mātua poo tagata o loo vaaia tamaiti.

Afai e manuia soālaupulega, e sainia e itu uma se maliēga fa'aletulafono e fa'ailoa ai le i'ugafono. E i le a'oga ma mātua poo tagata o loo vaaia tamaiti le faitalia pe fa'aauauina aiaiga o le maliēga. Afai e faia se maliēga o le soālaupulega, e tuumuli le soālaupule o le mata'upu ma le toe iai sona malosi'aga e fa'amalosia ai soo se itu e faia se mea e fa'atonuina ai. Afai e tula'i mai se fete'ena'iga i le maliēga o le soālaupulega, e mafai e le matua poo le tagata e vaaia tamaiti ona sa'ilia le fa'amalosiga o le tulafono i le setete poo le fa'aFeterale. Afai o se fa'afitauli fou poo se fa'afitauli 'ese e tula'i mai, e mafai e le matua poo tagata e vaai tamaiti poo le itumalō ona fa'aaoga auala uma o soālaupulega o loo iai i lalo o le tulafono.

O talosaga mo soālaupulega e tatau ona faia i le Sound Options. E mafai ona faia lau talosaga i se tusi poo luga o le telefoni. O soo se tasi o itu uma e tatau ona fa'afesoota'ia le Sound Option ma o le a latou fa'afesoota'iina le isi vaega. E mafai ona e fesoota'i atu i le Sound Options i le 1-800-692-2540.

Lagolago Fa'afautuaga

O le malie e auai i soālaupulega e le taofia ai oe mai le talosaga mo se tolaulauga i luma o le tulafono i se taimi mulimuli. E mafai ona taofia le fa'asologa o soālaupulega i soo se taimi ma fesili mo se tolaulauga i luma o le tulafono. Pau le fa'afitauli o le faia o se tolaulauga i luma o le tulafono i se taimi mulimuli o talanoaga e faia i le taimi e fa'agasolo ai soālaupulega e le mafai ona fa'aaogaina o ni fa'amatalaga mo fa'amaoniga. Peita'i, o le maliēga tusitusia mo le soālaupulega e mafai ona fa'aaogaina e avea ma fa'amaoniga o se mata'upu.

Tolaulauga i Luma o le Tulafono

O le a le tolaulauga i luma o le tulafono?

O le tolaulauga i luma o le tulafono o se fa'asologa masani o mata'upu, fa'apei o se fa'amasinoga. O mātua poo tagata e vaaia tamaiti fa'apea ma le a'oga fa'aitumalō e iai o latou avanoa e tuuina mai ai ni fa'amaoniga ma molimau e siaki aga'i iai molimau o loo tūtū mai mo le isi itu.

O se sui o le ofisa e fa'atautaia se tolaulauga na te faia se fa'ai'uga tusitusia e fua i fa'amatalaga moni ma le tulafono.

Fa'amata e mana'omia sa'u loia mo se tolaulauga i luma o le tulafono?

Leai, ae peita'i e iai lau aiā tatau e fai ai sau loia pe a e mana'o ai.

O mātua poo tagata e vaaia se tamaitiiti a'oga e iai ma'i tumau e mafai ona fautuaina pe faia se loia i le taimi o se tolaulauga i luma o le tulafono. O le faia o se loia e le mana'omia, ma e mafai ona manuia se tolaulauga o se mata'upu e aunoa ma se loia. O le masani lava o se mea lelei le fa'atalanoa o se loia poo se tagata e tele lona malamalama ina ia fesoasoani e faia se talosaga ma tapena mo se tolaulauga.

E fa'apefea ona ou talosagaina se tolaulauga i luma o le tulafono?

Fai se talosaga i se tusitusiga i le Office of Administrative Hearing (Ofisa o Pulega o Tolaulauga) ma logo le a'oga fa'aitumalō.

O se talosaga mo se tolaulauga i luma o le tulafono e tatau ona faia i se tusi ma ia iai fa'amatalaga nei:

• Igoa ma le tuātusi o le tamaitiiti a'oga
• Itumalō ma le a'oga e a'oga ai se tamaitiiti
• Itumalō e nafa ma le saunia o 'au'aunaga mo a'oga fa'apitoa pe afai e 'ese mai le itumalō e a'oga ai se tamaitiiti
• O se fa'amatalaga o popolega o mātua
• O ou manatu mo le fo'iaina o le fa'afitauli.

Meli pe kiliva se kopi o lau talosaga o se tolaulauga i le:

Office of Administrative Hearings

P.O. Box 42489

Olympia, WA 98504

E tatau foi ona e saunia le ulua'i talosaga o le tolaulauga i le a'oga fa'aitumalō e kilivaina pe meli i le Fa'atonu sili o le a'oga fa'aitumalō. 'Aua ne'i galo ona fai se kopi e tuu ia te oe!

Sa fa'atumuina e le OSPI se pepa talosaga mo se tolaulauga i luma o le tulafono e fesoasoani ai i mātua mo le talosagaina o se tolaulauga i luma o le tulafono. O lenei pepa o loo maua i le: https://ospi.k12.wa.us/student-success/special-education/dispute-resolution/request-due-process-hearing

O a tapulaa o se talosaga mo se tolaulauga?

O le talosaga mo se tolaulauga e tatau ona fa'amatalaina ai se solitulafono poo se fa'afitauli sa tupu i totonu o le lua tausaga ua tuana'i. O se talosaga mo se tolaulauga i luma o le tulafono e mafai ona fa'amatalaina ai le solitulafono e sili atu ma le lua tausaga talu ai pe afai e fa'amalieina se tasi o le lua aiaiga:

1. Sa taofia mātua mai le talosagaina o se tolaulauga i luma o le tulafono i totonu o le lua tausaga ona sa sēsē ona ave e le a'oga fa'aitumalō e fa'apea ua mae'a soālaupuleina le fa'afitauli.

Poo le

2. Sa taofia mātua mai le talosagaina o se tolaulauga i luma o le tulafono i totonu o le lua tausaga ona sa taofia e le a'oga fa'aitumalō fa'amatalaga sa mana'omia ona ave i le tulafono.

E tāua tele le talosaga mo se tolaulauga e talanoa ai fa'afitauli uma e ono tutupu ma popolega o mātua. Afai e maua le talosaga, se'i vagana e malilie le a'oga itumalō e ala i se tusi ona fa'atoā mafai lea ona fai se suiga pe ua malie le sui o le ofisa e tolaulauina mata'upu e mafai ona sui, ma o le a toe amataina ai le taimi fa'agasolo o sesona mo se i'ugafono (silasila i lalo).

O le isi foi tulaga, i lalo o le IDEA, na'o fa'afitauli sa fa'aalia i le talosaga mo se tolaulauga pe o se suiga i le talosaga e mafai ona fa'amatalaina i le tolaulauga i luma o le tulafono se'i vagana e malilie le isi vaega. Ona e te le'o mana'omia le faia o sau loia e talosagaina se tolaulauga i luma o le tulafono, e ono fesoasoani le fa'atalatalanoaina o se loia pe a tusia se talosaga mo se tolaulauga i luma o le tulafono ina ia fa'amautinoa le fa'aalia uma o ou fa'afitauli.

O le a le mea e tupu pe a mae'a ona ave se talosaga mo se tolaulauga i luma o le tulafono?

E tatau ona tali le a'oga fa'aitumalō.

I le maua ai o le fa'aseā i totonu o le 10 aso fa'akalena, e tatau i le a'oga fa'aitumalō ona tali iai. E tatau ona fa'amatala e le a'oga fa'aitumalō pe aiseā na fa'atinoina ai gaioiga sa latou fa'atino, o a isi filifiliga o manatu iai le Vaega a le IEP ma pe aiseā na teena ai, o se fa'amalamalamaga o fa'amatalaga sa fa'ammoemoe iai le itumalō i le faia o ana fa'ai'uga ma fa'amatalaga o soo se isi vaega e talafeuga ma faiga o fa'ai'uga a le itumalō. E le mana'omia le tali o le itumalō pe afai sa lafoina muamua se tusi taulogologo i le matua e uiga i mata'upu o le fa'aseā.

O le a lea mea e ta'u o le sesona mo i'ugafono?

O le sesona mo i'ugafono o se fonotaga e faia pe a mae'a tuuina atu se talosaga mo se tolaulauga i luma o le tulafono, ae le'i tolaulauina i luma o le tulafono.

I totonu o le 15 aso fa'alekalena o le maua ai o le talosaga mai mātua mo se tolaulauga i luma o le tulafono, e tatau i le a'oga fa'aitumalō ona valaauina se fonotaga ma mātua, sui e tatau ai o le Vaega o le IEP, ma se sui o le a'oga fa'aitumalō e iai le pule i le faia o fa'ai'uga. E le mafai e le a'oga fa'aitumalō ona aumaia se loia i lenei fonotaga se'i vagana e iai foi se loia a le matua. O le 'auga o lenei fonotaga o le talanoaina lea o fa'aseā ma vaai pe fa'amata e fo'iaina le fa'afitauli e aunoa ma le faia o se tolaulauga i luma o le tulafono.

Afai e malilie fa'atasi se matua ma le a'oga fa'aitumalō i le sesona mo i'ugafono, e tatau ona latou sainiina se maliēga fa'aletulafono e mafai ona fa'amalosia i totonu o le fa'amasinoga. E tolu aso fa'apisinisi e tuuina i le a'oga fa'aitumalō poo le matua e suia ai o latou mafaufau pe fa'aleaogaina ai se maliēga.

E tatau ona faia le sesona mo se i'ugafono se'i vagana ua malilie uma mātua ma le a'oga fa'aitumalō i se tusi e fa'aleaogaina ai le fonotaga pe malilie e fa'aaoga le i'uga o le soālaupulega.

O le a le umi o le tolaulauga i luma o le tulafono?

E 30 aso fa'alekalena mo le a'oga fa'aitumalō mai le taimi e maua ai le fa'aseā e taumafai e fo'ia ai le fa'afitauli e fa'amalie ai mātua e ala i le faia o se soālaupulega. Afai e le fa'atinoina e le itumalō lea tulaga i totonu o le 30 aso fa'alekalena, o lona uiga o le a amata fa'agasolo le tolaulauga i luma o le tulafono. E tatau ona faia le tolaulauga ma se fa'ai'uga i totonu o le 45 aso fa'alekalena.

O le 30 aso o le piliota fa'alekalena ua fetuutuuna'iina pe afai e iai se vaega o loo mulimuli mai sa fa'atinoina:

• Ua malilie uma itu e fa'aleaogaina le sesona mo se i'ugafono e ala i se tusi
• Ina ua ma'ea le soālaupulega poo le sesona mo se i'ugafono, ua malilie uma itu uma e ala i se tusi, e leai se maliēga e mafai ona fai pe
• Sa malilie itu uma e auai i le soālaupulega i le tuana'i o le 30 aso o le sesona o le i'ugafono ma e tasi le itu na toe o ese mai le soālaupulega. I ia tulaga, e amataina vave ai le taimi o le 45 aso fa'alekalena.

O le umi o le tolaulauga lava ia e fuafua poo a fa'afitauli ma poo le a le umi e manatunatu ai itu ta'itasi o le a fa'aaluina i le faia o le mata'upu.

E tāua tele le sesona mo i'ugafono. Afai e le ioe se matua e auai i se soālaupulega, o le a tuai fa'atinoina fonotaga mo soālaupulega ma tolaulauga i luma o le tulafono se'i vagana ua faia le fonotaga. I se fa'aopoopoga, e mafai ona fesili le itumalō i le sui o le ofisa e faia tolaulauga i le mae'a ai o le 30 aso o le piliota o soālaupulega e fa'amatuu 'ese le talosaga a se matua mo se tolaulauga i luma o le tulafono pe afai e teena e mātua le auai i se fonotaga mo soālaupulega. I le isi itu, afai e le manuia taumafaiga a le a'oga fa'aitumalō e fa'atulagaina ai se fonotaga mo se i'ugafono i totonu o le 15 aso e maua ai le talosaga mo se tolaulauga, e mafai ona talosaga mātua i le sui o le ofisa e tolaulauina mata'upu e amata vave fa'agasologa o tolaulauga i luma o le tulafono i totonu o le 45 aso.

Taimi Fa'atulagaina o Tolaulauga i Luma o le Tulafono

 

E talosagaina e mātua tolaulauga i luma o le tulafono e ala i se tusi

E tali le itumalō i totonu o le 10 aso fa'alekalena

E fa'atulagaina e itumalō sesona mo i'ugafono i totonu o le 15 aso fa'alekalena, se'i vagana ua fa'aleaogaina e ala i se tusi.

Afai e le fa'amalieina le fa'aseā i se sesona mo se i'ugafono i totonu o le 30 aso fa'alekalena, e fa'aauau le tolaulauga i luma o le tulafono ma e faia le fa'ai'uga o le tolaulauga i totonu o le 45 aso fa'alekalena.

O le a le "nofo le tumau" ? O fea e alu ai la'u tama a'oga i le a'oga pe a ou talosagaina se tolaulauga?

O le nofo le tumau o se upu e fa'aaogaina e le IDEA e fa'amatala ai le nofoaga e alu ai se tamaitiiti i le a'oga pe a talosagaina se tolaulauga. Afai e talosagaina se tolaulauga, e iai le aiā tatau a le tamaitiiti a'oga e fa'aauau ai ona maua a latou polokalame o a'oa'oga ta'ito'atasi i le nofoaga lava e tasi se'ia mae'a le tolaulauga ma faia se fa'ai'uga. O ia faiga fa'apitoa o le nofo le tumau e apalai pe a fa'apea e iai ma'i tumau o tamaiti a'oga ma a'oa'oina.

O le a se mea e mafai ona maua e la'u fanau a'oga mai tolaulauga i luma o le tulafono?

E mafai ona fa'atonuina e le itumalō le saunia o 'au'aunaga, ave taui o a'oa'oga i se tamaitiiti, ma totogi tau fa'aletulafono mo mātua.

O se tolaulauga i luma o le tulafono e mafai ona fesoasoani i le tamaitiiti a'oga i le maua o 'au'aunaga talafeagai ma toe totogiina a'oa'oga na misi ona o fa'aletonu a le itumalō. E mafai ona fesoasoani se sui o le ofisa e tolaulauina mata'upu e fofō fe'ese'esea'iga e uiga i le agavaa o se tamaitiiti a'oga, o le IEP, suiga i nofoaga o a'oa'oga, ma iloiloga ma le toe iloiloina.

E mafai foi e le sui o le ofisa e tolaulauina mata'upu ona fa'atonuina totogi mo a'oa'oga, o lona uiga e tatau i le itumalō ona saunia 'au'aunaga e toe totogiina ai le taimi poo avanoa na misia ona o fa'aletonu o le itumalō. Mo le fa'ata'ita'iga, e ono fa'atonuina le itumalō e totogiina le auai o se tamaitiiti i mata'upu i le kolisi a le komiuniti, saunia vasega e fa'aopoopo i le polokalame o a'oa'oga fa'apitoa, pe fai polokalame o le sama, tusa pe ono le agavaa se tamaitiiti i le fa'alaua'iteleina o 'au'aunaga mo tausaga a'oga.

O talosaga i totogi mo a'oa'oga e tatau ona fesoota'i ma 'auga ma fa'amoemoega o le IEP. Ia iai le agavaa pe a fesili mo 'au'aunaga o totogi mo a'oa'oga. Mafaufau i mea e mana'o ai se tamaitiiti a'oga (tusiata, musika, saienisi, ma isi) ma fa'aali mai manatu i se polokalame poo se 'au'aunaga e saunia ai nei vaega.

Afai e te malō i le tolaulauga, e ono mafai ona totogiina e le itumalō se tau sa e totogiina mo le tolaulauga ma pili sa tuuina atu e se loia na tu mo oe e te totogiina. Mata'itu tau sa e totogiina mo le saunia o tolaulauga.